महेन्द्रनगर, ४ पुस
भीमदत्त नगरपालिका वडा नं.१८ ले सञ्चालन गरेको एक हप्ते मसाला–पापड बनाउने तालिम सकिएको छ । एकल महिलालाई आत्मनिर्भर बनाउन तालिम सञ्चालन गरिएको थियो ।
भीनपा १८ का वडा अध्यक्ष राजेन्द्र पान्डेयको अध्यक्षतामा कार्यक्रम समापन गरिएको छ । कार्यक्रममा वडा सदस्य प्रशान्त भट्ट सहित भीनपा महिला विकास उप–शाखाकी कलावती कुवँरले लगायतका सहभागी हुनु भएको छ ।तालिममा भीनपा १८ का १५ जना एकल महिला सहभागी भएका छन् ।