महेन्द्रनगर, २९ मंसिर
भीमदत्त नगरपालिका वडा नम्बर १८ मा मसाला–पापड बनाउने सम्बन्धी सात दिने तालिम सुरु भएको छ । भीमदत्त नगरपालिका १८ नम्बर वडा कार्यालयको आयोजनामा एकल महिला लक्षित कार्यक्रम अन्तर्गत शनिबार देखि तालिम एक सातनासम्म चल्नेछ ।
उद्यमी माया भट्ट प्रशिक्षक रहेको तालिममा भीमदत्त नगरपालिका वडा नम्बर १८ अन्तर्गतका १५ जना एकल महिलाहरुको सहभागिता रहेको वडाध्यक्ष राजेन्द्र पाण्डेयले बताउनु भयो ।