महेन्द्रनगर, १ कार्तिक
भीमदत्त नगरपालिका वडा नं. ९ मा नयाँ गौशाला भवन निर्माण सुरु गरिएको छ । नयाँ गौशाला भवनको शुक्रबार औपचारिक कार्यक्रमका बीच शिलान्यास गरिएको छ ।
व्यवसायी दानीको रेडियन्ट ग्याँसको लगानीमा गौशाला निर्माण सुरु गरिएको छ ।चन्दले विहान पूजाआजा गरी गौशाला शिलान्यास गर्नु भएको छ । आधुनिक गौशाला नाम दिइएको गौशालाको पञ्च धातु राखेर शिलान्यास गरिएको समाजसेवी करन सिह पालले जानकारी दिनु भयो ।
व्यवसायी चन्दले गौशाला बनाउन सुरु गरेपछि स्थानीयले छाडा पशु चौपाया नियन्त्रण प्रभावकारी हुने अपेक्षा राखेका छन् । चन्दले ब्रह्मदेबस्थित महाकाली गौशालालाई सहयोग गर्दै आउनु भएको छ ।
जगद्गुरुको अगुवाईमा भीमदत्त नगरपालिकाले पशु अध्ययन र व्यवसायीकरण गर्ने लक्ष्यका साथ गत वर्ष महाकाली गौशाला बनाइको थियो । तीन महिनामा निर्माण पूरा हुने गौशालामा पाँच दर्जन गाई गोरु पाल्न सकिनेछ ।
