महेन्द्रनगर १५ मंसिर । कञ्चनपुरको भीमदत्त नगरपालिकामा सुरुवा भई आएका नयाँ कार्यालय प्रमुख हरि बहादुर चन्दलाई स्वागत गरिएको छ । बुधबार भीमदत्त नगरपालिकाकी उप–प्रमुख एवं कार्यवाहक नगर प्रमुख सुशिला चन्द सिंहलगायत शाखा प्रमुख र कर्मचारीले स्वागत गरेका हुन् ।
कार्यालय प्रमुख चन्द धनगढी उपमहा नगरपालिकाबाट सरुवा भई भीमदत्त नगरपालिकामा आएका हुन् । कार्यालय प्रमुख चन्द भीमदत्त नगरपालिका–२ का स्थानीय हुन् । स्वागत कार्यक्रममा नगरपालिकाका विभिन्न शाखा प्रमुखसहित कर्मचारीको सहभागीता रहेको थियो । कार्यक्रममा नगरपालिकाको सेवा सम्पादन थप प्रभावकारी बनाउन छलफल गरिएको छ ।